Геннадий Головкин жекпе-жектен кейін Риота Муратаға шапанын сыйға тартты

НҰР-СҰЛТАН. ҚазАқпарат – Геннадий Головкин жапондық қарсыласы Риота Муратаға жекпе-жектен кейін шапанын тарту етті, ол бұрын ешбір қарсыласына мұндай құрмет көрсетпеген болатын, деп жазады ҚазАқпарат.

Жекпе-жектен кейін Геннадий қарсыласының иығына өзінің төл стильдегі шапанын жапты. Ол бұған дейін әр жекпе-жекке осы шапанын киіп шығатын еді.

«Қарсыласыма зор құрмет! Ол чемпион және чемпион болып қала береді», - деп жазды WBA, IBF және IBO нұсқалары бойынша әлем чемпионы Instagram парақшасында.

Көпшілік қазақстандық былғары қолғап шеберінің бұл әрекетіне мол қошамет көрсетіп, ризашылығын танытты.

Айта кетейік, жекпе-жек аяқтала салысымен Геннадий Головкин Риота Мурата туралы пікір білдірген болатын.