Германияда Бундестаг сайлауы басталды

АСТАНА. ҚазАқпарат - Германияның барлық қалаларында 24 қыркүйек, жексенбі күні таңертең жергілікті уақытпен сағат 08:00-ден 18:00-ге дейін жұмыс істейтін сайлау учаскелері ашылды. Бұл туралы Reuters хабарлады.

Немістер ел үкіметін құрып, жаңа канцлерді сайлайтын жаңа Бундестаг құрамын таңдайды.

Сайлауға 42 партия қатысуда. Парламентке өту үшін үміткерлер кем дегенде 5 процент дауыс жинауға тиіс. Негізгі қарсыластар Германия канцлері Ангела Меркель және Германияның социал-демократиялық партиясы (SPD) басқаратын консервативтік блок саналады.