Германияда партиялар коалициялық келіссөздерді бастауға келісті
Тараптар Германия шекарасында әлеуетті мигранттар – пана іздеушілерден бас тарту мүмкіндігі туралы ұстанымдарын келісе алды. Бұл Христиан-демократиялық одағы мен Христиан-әлеуметтік одағының маңызды талабы болды. Оған Германияның социал-демократиялық партиясы бірнеше рет күмән келтірді.
Германияның болашақ канцлері Фридрих Мерц атап өткендей, Германия шекараларындағы құжаттарды бақылауды «жаппай» кеңейту керек. Сонымен қатар босқындардың Германияға отбасы мүшелерін тасымалдау мүмкіндігін одан әрі шектеу керек.
Экономикалық дамуды жеделдету үшін Германиядағы басқарушы коалициядағы ықтимал болашақ серіктестер инвестиция тарту және корпоративтік салық салу саласында реформа жүргізу бойынша шаралар қабылдауды жоспарлап отырғаны атап өтілді. «Азаматтарға арналған жәрдемақылар» (Бюргергелд) деп аталатын төлемдерді төлеу саласында да өзгерістер күтіліп отыр.
Фридрих Мерц пен Ларс Клингбейл да партия билігіне коалициялық келіссөздердің ресми басталуын мақұлдауды ұсынуға ниетті екенін айтты.
Фридрих Мерц бұған дейін католиктік Пасха мерекесінде коалициялық келіссөздерді, яғни 20 сәуірге дейін аяқтауға ниетті екенін жеткізген.
Бұған дейін Трамптың Германиядағы сайлаудың алдын ала қорытындысын түсіндіргенін жазған едік.
