Германияда жасы 100-ден асқан адамдардың саны артты

АСТАНА. KAZINFORM — 2024 жылы Германияда жасы 100-ден асқан 17 900 адам тұрған. Бұл көрсеткіш 2011 жылмен салыстырғанда шамамен 25%-ға көп, деп хабарлайды DW.

Мұндай жасқа жететіндер арасында әйелдер басым, себебі Германияда әйелдердің орташа өмір сүру ұзақтығы 83,2 жыл, бұл ерлерге қарағанда шамамен бес жылға ұзақ.

Ең көп ұзақ өмір сүретіндер — Гамбург қаласында, ал орташа деңгейден жоғары көрсеткіш Саар және Саксония жерлерінде байқалады.

Ең аз жүз жастан асқандар — Бавария, Бремен және Бранденбург аймақтарында.

Германияда ұзақ өмір сүретін адамдар санының артуына бірнеше себеп бар:

• өмір сүру жағдайының жақсаруы,

• халықтың әл-ауқатының артуы,

• медицинаның дамуы.

— Алайда, адам өмірінің табиғи шегі — 120 жас, және адам ағзасы бұдан ұзақ өмір сүруге қабілетті емес, — деп атап өтті Макс Планк қоғамының Кёльн қаласындағы Қартаю биологиясы институтының мамандары.

Дегенмен, кейде ерекше жағдайлар болады. Әлемдегі ең кәрі адам — француз әйелі Жанна Луиза Кальман, ол 1997 жылы 122 жас 5 айында қайтыс болған.

Осыдан бұрын Түркияның ең қарт әйелдерінің бірі 127 жасында өмірден өткенін жазған едік.