Германияның «Compass GmbH» компаниясы Қазақстанға жасалатын туристтік бағыттардың мүмкіндіктерін зерттейтін болады

ӨСКЕМЕН. Бүгін Өскеменде ҚР Туризм және спорт министрлігі Туризм интустриясы комитетінің төрағасы Кәкен Қарлығаштың қатысуымен «ҚР Президентінің Қазақстан халқына Жолдауын іске асыруы аясында Шығыс Қазақстан облысында туризмді дамыту перспективалары» атты семинар өтеді.

Семинар бағдарламасында республикалық «Visit Kazakhstan.kz» порталы жоспарының таныстырылуы болады. Семинарға қатысушылар арасында біздің елдің туристік жағдайын зерттеу мақсатымен Қазақстан аумағына келіп жүрген германдық «Compass GmbH» компаниясының өкілдері де бар. Олар Алматы-Алматы облысы- Шығыс Қазақстан облысы - Ақмола облысы және Астана бағыттарын қарастыратын болады.