21:40, 22 Наурыз 2025 | GMT +5
Гимнастикадан әлем кубогы кезеңі: Нариман Құрбанов алтын, Зейнолла Ыдырысов күміс алды
АСТАНА. KAZINFORM - Түркияның Анталия қаласында спорттық гимнастикадан өтіп жатқан әлем кубогының үшінші кезеңі қазақстандықтар үшін олжалы болды.
Қазақстан құрамасына қос бірдей медаль түсті.
Париж Олимпиадасының күміс жүлдегері Нариман Құрбанов ат спорты жаттығуында алдына жан салмады. Ол 14,634 ұпай жинады.
Бұл Нариманның Парижден кейінгі алғашқы жарысы еді.
Тағы бір қазақстандық Зейнолла Ыдырысов 14,300 ұпаймен күміс жүлдегер атанды.
Иорданиялық Ахмад Абу Аль Сауд (14,200) үздік үштікті түйіндеді.
Әлем кубогы кезеңі 23 наурыз күні мәресіне жетеді.
Еске сала кетейік, бұдан бұрын Анастасия Городконың әлем чемпионатының қола жүлдегері атанғанын жазған болатынбыз.
