Головкин бокстан кету жайлы ойлай ма

АСТАНА. ҚазАқпарат - WBA/WBC/IBF/IBO тұжырымдары бойынша жеңіліп көрмеген орта салмақтағы әлем чемпионы Геннадий Головкин жуық арада бокстағы мәнсабын аяқтамайтынын мәлім етті, деп хабарлайды Sports.kz.

«Мен өзімді әзірге тамаша сезінемін. Жұмысқа қабілеттілігім төмендеген жоқ, сондықтан әлі де боксты тастамаймын. Қанша уақытқа дейін екенін айта алмаймын, өйткені бұл бокс, әрбір жекпе-жек, әрбір соққы бәрін өзгертуі мүмкін. Алайда, бәрі көңілімнен шығып жатса, әлі де бокста жүре тұрамын», - деді GGG Ring TV-ге берген сұхбатында.