Головкиннің промоутері реванш туралы айтты

АСТАНА. ҚазАқпарат - Қазақстандық боксшы Геннадий Головкиннің (37-0-1, 33 КО) промоутері мексикалық боксшы Сауль Альварес (49-1-2, 34 КО) командасымен қайта жекпе-жек өткізу туралы келіссөздердің қалай жүріп жатқандығын айтты, деп хабарлайды Sports.kz.

«Келіссөздер басталды, біз мәселені талқылау үшін бас қостық. Мұндай үлкен жекпе-жекті ұйымдастыру үшін уақыт қажет. Бірінші жекпе-жек табысты өтті, ал реваншты өткізуде проблема болмайды деп ойлаймын. Өйткені бұл жекпе-жектің өткенін фанаттар, БАҚ, Геннадий мен «Канело» қалайды»,- деді Леффлер EsNews-қа берген сұхбатында.

Еске салайық, Головкин - Альварес бірінші айқасы тең нәтижемен аяқталды. Реванш 2018 жылдың 5 мамыр күні өтеді деп күтілуде.