Гондурас президентінің тікұшағы джунглиге апаттық жағдайда қонды

АСТАНА. KAZINFORM – Гондурас президенті Сиомара Кастро мінген тікұшақ елдің орталығындағы джунглиге апаттық жағдайда қонды, деп хабарлайды Синьхуа ақпарат агенттігі. 

Тікұшақ сейсенбі күні Кортес департаментіндегі Санта-Крус-де-Йохоа таулы аймағында нашар көрінуге байланысты шұғыл қонды. Бұл туралы ел үкіметі мәлімдеді.

Зардап шеккендер туралы мәлімет жоқ.

El Heraldo хабарлауынша, Сиомара Кастро қалың тұманға байланысты нашар көріну жағдайында экипаж бастапқыда Сан-Педро-Сулаға қайтуды жоспарлағанын, алайда кейін ұшақты джунглиге қондыру туралы шешім қабылдағанын баяндап берді.

Әзербайжан Пәкістаннан жойғыш ұшақтар алып, елге $2 млрд инвестиция салатынын жазған болатынбыз.