Грекияда қайтадан парламент сайлауы өтіп жатыр

АСТАНА. ҚазАқпарат – Грекияда бүгін таңда екінші рет парламент сайлауы басталды. Айқын фаворит – ел премьер-министрі Кириакос Мицотакистің «Жаңа демократия» консервативті басқарушы партиясы. Бұрынғы премьер Алексис Ципрастың СИРИЗА оппозициялық солшылдар партиясы екінші орын иеленуі мүмкін, деп хабарлайды ҚазАқпарат Deutsche Welle-ге сілтеме жасап.

Кейінгі сауалнама бойынша, Мицотакис партиясын сайлаушылардың 40 проценттен астамы қолдауға дайын, ал СИРИЗУ-ді шамамен 20 проценті жақтайды.

Грекия парламентінде 300 орын бар. 21 наурызда болған бұған дейінгі дауыс беру нәтижесі бойынша, «Жаңа демократия» партиясы жеңіске жеткен. Дегенмен, бір партиялы үкімет құру правоцентристердің қолынан келмеді, бұл қайта сайлауға алып келді.

Грекиядағы екінші раунд күшті-пропорционал жүйе бойынша өтіп жатыр. Оған сәйкес, жеңіске жеткен партия автоматты түрде 20 мандат ұсына алатын бонусқа ие болады. Сол себепті, «Жаңа демократия» шамамен 40 процент жинай алса, орындардың көбін жайғастырып, парламентті өзі басқара алады. Сайлауға 32 партияның үміткерлері қатысып жатыр.