Грузияда наразылықтар қайта басталды

АСТАНА. KAZINFORM — Наразылық «Михаил Саакашвилидің президенттігі кезінде жасалған қылмыстарды» тергейтін парламенттік тергеу комиссиясының отырысы аясында басталды, деп жазды Анадолы сайты.

Грузия астанасы Тбилисиде ел парламенті ғимаратының жанында наразылық шеруі өтіп жатыр. Бұл туралы грузин БАҚ хабарлады.

Наразылық шарасы «Михаил Саакашвилидің президенттігі кезінде жасалған қылмыстарды» тергейтін парламенттік тергеу комиссиясының отырысы аясында басталды.

Демонстранттар 2008 жылғы тамыздағы оқиғаларға қатысты жүргізіліп жатқан тергеуге қарсылық білдіру үшін заң шығарушы ғимараттың кіреберісіне жиналды.

Полицейлер ғимаратқа кіре берісті қоршауға алды. Шерушілер арасында ұсталғандар да бар.