Грузияда радиоактивті уран сатпақ болғандар ұсталды
АСТАНА. KAZINFORM – Грузияда радиоактивті уранды сатты және сатып алды деген күдікпен екі адам ұсталды, деп хабарлайды Грузия Online.
Арнайы операциялар және қарсы барлау департаментінің қызметкерлері Батумиде 3 миллион АҚШ долларына радиоактивті материалды сатпақ болған Грузия азаматы мен шетелдікті ұстады.
- Аталған материалдың радиоактивті альфа және гамма сәуле шығаратынын және қоспа ретіндегі сәуле шығару көзінің қабілетін ескергенде ол түрлі жарылғыш заттар жасауға, сондай-ақ террористік акт немесе нәтижесі жаппай адам өліміне алып келетін әрекеттерді жүзеге асыруға қауқарлы,- делінген МҚҚ хабарламасында.
Ұсталған адамның қай елдің азаматы және аты-жөні кім екені айтылмай отыр. Оларды 5-тен 10 жылған дейін бас бостандығынан айыру жазасы күтіп тұр.
Осыған дейін аса ірі алаяқтық жасаған қазақстандық азаматтың Грузияда ұсталғанын хабарладық.
