Гүлдана Жауынбекова Тараз қаласы әкімінің орынбасары болып тағайындалды
Тараз қаласы әкімінің жаңа орынбасары тағайындалды, деп хабарлайды Kazinform.
Гүлдана Әлімжанқызы 1976 жылы 13 маусымда Жамбыл облысы Байзақ ауданы Сарыкемер ауылында дүниеге келген.
Ұлты – қазақ, білімі – жоғары.
1999 жылы М.Х.Дулати атындағы Тараз мемлекеттік университетін «Инфрақұрылымдағы экономика және менеджмент» мамандығы бойынша бітірген.
Алғашқы еңбек жолын 2000 жылы Жамбыл облысы Байзақ аудандық білім бөлімінің есепшісі болып бастаған.
2001-2002 жылдары Байзақ ауданы әкімінің білім басқармасының экономисі; 2002-2007 жылдары Жамбыл облыстық білім басқармасының орталықтандырылған бухгалтериясының экономисі, қаржы-жоспарлау бөлімінің бас маманы; 2007- 2009 жылдары Жамбыл облысы әкімдігі білім департаментінің жобалау және жоспарлау бөлімінің бастығы; 2009-2017 жылдары Жамбыл облысы әкімдігінің мәдениет басқармасының қаржы және жоспарлау бөлімінің бас маман-экономисі, ішкі бақылау бастығы; 2017-2023 жылдары Жамбыл облысы әкімдігінің экономика және бюджеттік жоспарлау басқармасының басшысы; 2023 жылы Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасының басшысы болып жұмыс атқарған.
2023 жылғы 4 желтоқсанынан бастап Тараз қаласы әкімінің өкімімен Тараз қаласы әкімінің орынбасары болып (экономика, қаржы, кәсіпкерлік, өнеркәсіп, туризм және ауыл шаруашылығы сұрақтары бойынша) тағайындалды.
Бұған дейін Берік Жамалбеков Жамбыл облысы бойынша мемкірістер департаментін басқаратынын хабарлаған болатынбыз.
