Гуманитарлық ғылым мен техника салалары бойынша Мемлекеттік сыйлыққа лайықты жұмыстар анықталды
АСТАНА. KAZINFORM - Қазақстан Республикасының Мемлекеттік кеңесшісі Ерлан Қариннің төрағалығымен әл-Фараби атындағы ғылым мен техника және А. Байтұрсынұлы атындағы гуманитарлық ғылымдар саласындағы 2025 жылғы мемлекеттік сыйлықтарды беру жөніндегі комиссияның отырысы өтті.
Бұл туралы Ақорданың баспасөз қызметі хабарлады.
Комиссия мүшелері биыл Мемлекеттік сыйлыққа ұсынылған жұмыстар және мемлекеттік ғылыми-техникалық сараптаманың қорытындысы туралы Ғылым және жоғары білім министрі Саясат Нұрбектің баяндамасын тыңдады.
Комиссия отырысының қорытындысына сәйкес, гуманитарлық ғылымдар, ғылым мен техника салалары бойынша 2025 жылы Мемлекеттік сыйлық алу үшін алдын ала іріктеуден өткен жұмыстардың тізімі анықталды.
Келесі кезеңге өткен жұмыстар бұқаралық ақпарат құралдарында жарияланады.
Осыған дейін Мемлекеттік кеңесші Қытай мен Қазақстанның тауар айналымы рекордтық 44 млрд долларға жеткені туралы мәлімдеді.
