Х. Клинтон жұма күні АҚШ-тың мемхатшысы қызметімен қоштасады

АСТАНА. 30 қаңтар. ҚазАқпарат - Жұма күні Хиллари Клинтон АҚШ-тың мемлекеттік хатшысы қызметіндегі жұмысын тоқтатады.

«Клинтон бейсенбіде сыртқы саясат әлеуеттері жөнінде сөз сөйлейді, ал жұма күні мемлекеттік хатшы ретінде жұмысын тоқтатады», - деп хабарланды мемлекеттік департаменттен.

Бұған дейін (сейсенбі күні) АҚШ конгресінің сенаты сыртқы саясат ведомство басшысы қызметіне сенатор Джон Керриді бекітті. Ол жаңа жұмысқа бірнеше апта бойы дайындалды, деп хабарлады Ресей «Жаңалықтар» агенттігі.