Халықаралық іздеудегі қазақстандық Қырғызстанда ұсталды

АСТАНА. KAZINFORM - Қазақстан ІІМ Интерпол ұлттық орталық бюросының сұрауы бойынша бұзақылық жасағаны үшін халықаралық іздеуге жарияланған қазақстандық азамат Ыстамбұлда ұсталды, деп хабарлайды Polisia.kz.

Былтыр жазда ер адам таныстарымен бірге Сарыағаш қаласының кафелерінің бірінде болып, басқа келушімен жанжалдасып, оған дене жарақатын салып, мекеменің мүлкіне зақым келтірген.

Ұсталған адам Қазақстанға жеткізілді.

Бұған дейін хабарлағанымыздай, Астана қаласының халықаралық әуежайында қазақстандық полицейлер Әзербайжан ІІМ Интерпол ұлттық орталық бюросының сұрауы бойынша алаяқтық жасағаны үшін халықаралық іздеуде жүрген азаматты ұстаған болатын.

Сонымен қатар тек екі күнде іздеуде жүрген 280 қылмыскер ұсталды.