Хамзаальпер Ромашкин таеквондодан жасөспірімдер арасында әлем чемпионы атанды

АСТАНА. KAZINFORM - Қазақстан құрамасының спортшысы Хамзаальпер Ромашкин таеквондодан Фуджейрада (БАӘ) өтіп жатқан жастар арасындағы (WT) әлем чемпионатында алтын медаль жеңіп алды, деп хабарлайды Ұлттық олипмпиадалық комитет.

61 келіге дейінгі салмақ дәрежесінде өткен финалдық жекпе-жекте Ромашкин Канада өкілі Никола Самордичті сенімді әрі техникалық шеберлікпен жеңді.

Айта кетейік, БАӘ-де өтіп жатқан жастар арасындағы әлем чемпионатына 81 елден 800-ден астам спортшы қатысып жатыр. Аталмыш жарыс 14 мамырға дейін жалғасады.

Осыған дейін бокстан жастар арасындағы Азия чемпионатында қазақстандықтардың қарсыластары анықталғаны туралы жаздық.