Вьетнамда ағаш өңдеу зауыты алапат өртке оранды
АСТАНА. KAZINFORM – Вьетнамның Ханой қаласының Тхань Лиет ауданында орналасқан ағаш өңдеу зауытында алапат өрт шықты, деп хабарлайды TTXVN.
Өрт 29 наурыз күні шамамен сағат түнгі 23:40-та Тан Чиеу филиалындағы К ауруханасына (Тан Триеу филиалы) қарама-қарсы орналасқан ағаш өңдеу шеберханасында тұтанған.
Оқиға туралы хабар түскеннен кейін Ханой қаласының өрт сөндіру және құтқару қызметі оқиға орнына ондаған өрт сөндіру техникасын, сондай-ақ көптеген офицерлер мен сарбаздарды жұмылдырды.
Түнгі сағат 02:00 шамасында қатты жалын мен қою түтін өртті бақылауға алуды қиындатқан. Билік өкілдері тілсіз жаумен күресті жалғастырып жатыр.
Әзірге зардап шекендер туралы ресми ақпарат жоқ.
Айта кетейік, Небраска штатындағы орман өрті 324 мың гектар жерді шарпыды.
