Ханзада Фредерик де Нассау 22 жасында қайтыс болды

АСТАНА. KAZINFORM – Люксембург Ұлы Герцогы Анридің жиені ханзада Фредерик де Нассау 22 жасында генетикалық аурудан қайтыс болды, деп хабарлайды ТАСС ақпарат агенттігі.

Ханзада POLG деп аталатын сирек кездесетін, емделмейтін генетикалық аурудан зардап шекті және ерте өлімге ұшырайтынын 14 жасынан бастап білді.

Оның Париждегі ауруханада қайтыс болғанын ханзаданың отбасы ауруды зерттеуге қолдау көрсету үшін құрған POLG Foundation хабарлады.

Ханзада Фредериктің Люксембург тағының мұрагерлігімен ешқандай байланысы болған жоқ. 

Еске сала кетейік, бұған дейін танымал актриса Мишель Трахтенберг қайтыс болғанын жазған едік. 

Сондай-ақ Холокост оқиғасынан аман қалған 113 жастағы кейуана дүние салғанын хабарлаған болатынбыз.