Харбин: Хоккейден Қазақстан құрамасы жартылай финалға жолдама алды

ХАРБИН. KAZINFORM – Харбин Қаласында өтіп жатқан ІХ қысқы Азия ойындарының ерлер арасындағы плей-офф матчы басталды.

Қазақстан ерлер құрамасы ширек финалда қытайлық Гонконг құрамасымен кездесіп, қарсыластарына 24 шайба салды.

Жігіттеріміз қарсыластарына ешқандай мүмкіндік берген жоқ. Алғашқы кезеңде 8 гол, екінші кезеңде 7 шайба, ал соңғы кезеңде 9 шайба соқты.

Осылайша, қазақстандық хоккейшілер қарсыласын жарыс жолынан тайдырып, жартылай финалға жолдама алды.

Айта кетейік, хоккейден Қазақстан ерлер құрамасы қысқы Азия ойындарының А тобында барлық кездесуде жеңіске жетіп, плей-оффқа бірінші орынмен шықты.

Осыған дейін, түрікменстандық 4 спортшы Гонконг командасымен ойыннан кейін төбелескені үшін қысқы Азия ойындарынан шеттетілгенін жазған болатынбыз.