Харви Вайнштейн түрмедегі жағдайдың нашарлығына байланысты 5 миллион доллар талап етті
АСТАНА.KAZINFORM - Ауыр халдегі Харви Вайнштейн Нью-Йорк билігінен түрмедегі жағдайдың нашарлығына байланысты 5 миллион доллар талап етті. Бұл туралы Associated Press хабарлайды.
Вайнштейн түрме камерасындағы суыққа және антисанитарлық жағдайға шағымданады. Оның адвокаты бірнеше апта бойы таза киім, оның ішінде іш киім берілмейтінін айтты. Бір күні ол Вайнштейннің киімінен қатып қалған қан тамшыларын көрген, адвокат ол екпеден қалды деп болжайды.
Сонымен қатар, 72 жастағы Вайнштейн камерасындағы суық жағдайға, дұрыс тамақтанбағанына және су тапшылығына шағымданды. Тұтқынның қорғаушысы Райкерс түрмесін ГУЛАГ-пен салыстырды.
Харви Вайнштейн 2017 жылы 90-нан астам әйел жыныстық зорлық жасады деген айып таққаннан кейін 23 жылға бас бостандығынан айырылған. Вайнштейн бес баптың екеуі бойынша кінәлі деп танылды. Ағымдағы жылдың сәуір айында бір үкімнің күші жойылды. Іс 2025 жылы қайта қаралады.
Алайда, Вайнштейн әлі түрмеде қалады, өйткені 2022 жылы бекітілген екінші үкім күшінде. Ол кезде сот экс-продюсерге Ресей азаматын зорлады деген айып тақты.
Қамауда болған кезінде Вайнштейн бірнеше рет пневмониямен, коронавируспен ауырған, ал 2024 жылы оған сүйек кемігінің қатерлі ісігі диагнозы қойылған. Оның адвокаты қамаудағы жағдай денсаулығына әсер етіп жатыр дейді. Бұрынғы продюсер отырған Райкерс түрмесі Құрама Штаттардағы ең нашар түрмелердің бірі саналады. Нью-Йорк билігі оны 2027 жылы жабуға уәде берді.
