Хоккей: «Барыс» елордада СКА командасынан жеңіліп қалды

АСТАНА. ҚазАқпарат - «Барыс» Құрлықтық хоккей лигасындағы кезекті ойынын бүгін Ресейде СКА (Санкт-Петербург) командасына қарсы өткізді, деп хабарлайды ҚазАқпарат тілшісі.

Кездесу барысында командалар бір-бірінің қақпасы маңында жиі шабуыл ұйымдастырды. Алғашқы минуттан гол соғу мүмкіндігін іздеді.

Алдымен СКА сапынан Игорь Ожиганов 3, Святослав Гребенщиков 15, Евгений Кетов 18-минуттарда мергендік танытты.

Оған 21-минутта «Барыс» хоккейшісі Алекс Грант бір шайбамен жауап қайырды.

Одан кейін ресейлік хоккейші 29-минутта Степан Фальковский қайтадан СКА командасының басымдығын арттырса, 46-минутта елордалық клубтан Никита Михайлис көздеген нысанадан мүлт кеткен жоқ.

Ал 43-минутта ресейлік Дамир Жафияров гол соқса, «Барыс» хоккейшісі Джереми Бракко 46, Кирилл Савицкий 54-минутта есеп айырмасын қысқартты.

Ойынның 59-минутында ресейлік Василий Глотов қорытынды есепті белгіледі.

Осылайша елордалық клуб қарсыласына 4:6 есебімен есе жіберді.

Енді «Барыс» алдағы ойынын 15 ақпанда Беларусьтің «Динамо» (Минск) командасына қарсы өткізеді.

Еске салсақ, бұдан бұрын «Барыс» Мәскеуде ЦСКА командасынан 6:5 есебімен басым түсті.

Фото: hcbarys.kz