Хоккей: «Барыс» қарсыласын 5:0 есебімен тізе бүктірді

АСТАНА. 16 қазан. ҚазАқпарат - Кеше кешқұрым Құрлықтық хоккей лигасы аясында өткен ойында астаналық «Барыс» өз алаңында «Динамоны» (Рига) айқын басымдықпен жеңді.

Атап айтқанда, бұл кездесуде «Динамо» тегеурінді қарсылық көрсеткенімен астаналықтар жақсы ойын өрнегімен ерекшеленді. Бұл тартысты доданың нәтижесі бойынша «Барыс» қонақтарды 5:0 есебімен тізе бүктірді.

Елордалық команданың келесі кездесуі 17 қазанда «Донбасс» хоккейшілерімен өтеді.