Хоккейден әлем чемпионатына қатысатын Қазақстан әйелдер құрамасы анықталды

АСТАНА. KAZINFORM - Шайбалы хоккейден әлем чемпионаты IIA дивизионында сынға түсетін Қазақстан әйелдер құрамасы белгілі болды.

Аталған бәсеке 2025 жылдың 9-15 сәуір аралығында Ұлыбританияның Дамфрис қаласында өтеді. Ұлттық құрама ертең, 3 сәуірде Ұлыбританияға аттанады. Ал 6 сәуірде сол елдің құрамасымен жолдастық кездесуде шеберлік байқасады.

Әлем чемпионатына қатысатын Қазақстан құрамасының тізімі жарияланды. Оған барлығы 23 хоккейші — 3 қақпашы мен 20 ойыншы енгізілген. 

Қақпашылар: Вероника Агеева, Полина Говтва (екеуі — «Торпедо»), Арина Щеколова («Томирис»)

Қорғаушылар: Юлия Буторина, Александра Воронова, Дария Молдабай, (барлығы — «Томирис»), Аида Олжабаева, Мәдина Тұрсынова, Анна Пяткова (барлығы — «Айсұлу»), Катрин Мескини, Полина Яковлева («Торпедо»)

Шабуылшылар: Малика Алдабергенова, Пернеш Әшімова, Алина Иванченко, Татьяна Королева, Лариса Свиридова (барлығы — «Айсұлу»), София Зубкова, Дильназ Саяхатқызы, Мунира Саяхатқызы (барлығы — «Торпедо»), Екатерина Куценко, Анастасия Оразбаева, Надежда Филимонова, Александра Шегай (барлығы — «Томирис»).

Еске сала кетейік, бұған дейін шайбалы хоккейден әйелдер арасындағы әлем чемпионатындағы Қазақстан құрамасының ойын кестесі жарияланғанын жазған едік.