Игорь Додон Молдова президенті болды

АСТАНА. ҚазАқпарат - Дауыс берудің екінші кезеңінің хаттамаларын 100 пайыз есептеу нәтижесі бойынша, Молдова Республикасының президенті Социалистер партиясының көшбасшысы Игорь Додон болды, деп хабарлайды ҚазАқпарат.

Бұл туралы елдің Орталық сайлау комиссиясының (ОСК) сайтында мәлім етілді.

Екінші кезеңде бақталас Додон мен оңшыл оппозициядан жалғыз үміткер «Іс-әрекет және тілектестік» партиясының басшысы Мая Санлу арасында жүрді, деп хабарлады Ресей жаңалықтары агенттігі. "Игорь Додон   52,18% немесе 835 210 дауыс, Майя Санду - 47,82% немесе 765 460 дауыс жинады", - деп хабарланды сайтта.

Молдова президенті сайлауының екінші кезеңі жексенбі күні өтті.

Социалистер көшбасшысы сайлауалды бағдарламасында Ресеймен стратегиялық әріптестікті қалпына келтіруге, Молдава өнімін РФ нарығына шығаруға, энергетикадағы ынтымақтастықты реттеуге ниетті екенін айтқан болатын.