Илон Маск 14-ші рет әке атанды

АСТАНА. KAZINFORM — Илон Маск қайтадан әке атанды. Оның Селдон Ликург атты ұлы жарық дүние есігін ашты. Бұл туралы BILD басылымы хабарлады. 

Баланың анасы — SpaceX және Neuralink компанияларының бұрынғы қызметкері Сиобхан Зилис. Әйгілі миллиардер онымен бірге үш баланы тәрбиелеп отыр.

Зилис X әлеуметтік желісіндегі жазбасында үшінші баласының атын жариялады. 

Жақында бір жасқа толған қыздың аты — Аркадия. Тағы бір ұл туралы жаңалық блогер Эшли Сент Клэр таяуда Маскпен бірге R.S.C есімді ұлды дүниеге әкелгенін айтқаннан кейін екі аптадан кейін келді. Кәсіпкердің өзі мұны растамағанымен, сот оны қорғаншылық мәселесі бойынша сот отырысына қатысуға міндеттеп қойған. 

Маск төрт түрлі әйелден кем дегенде 14 бала сүйген. Оның канадалық жазушы Джастин Маскпен некеде дүниеге келген бірінші баласы сәби кезінде қайтыс болды. Кейін ерлі-зайыптылар егіз және үшемді дүниеге әкелді. Миллиардер әнші Гримспен тағы үш бала тәрбиелеп отыр, олардың арасында әйгілі X Æ A-Xii бар. 

Бұған дейін Канадада Илон Маскты азаматтықтан айыруды талап еткен петиция басталғанын хабарлаған едік.

Сондай-ақ Маск «ең ақылды жасанды интеллектіні» іске қоспақ.