Инновациялық технологиялар паркінің екінші кезегінің құрылысы бойынша техникалық экономикалық негіздеме алдағы жылы аяқталады

АСТАНА. 5 желтоқсан. ҚазАқпарат /Руслан Ғаббасов/ - Инновациялық технологиялар паркінің екінші кезегінің құрылысы бойынша техникалық экономикалық негіздеме алдағы жылы аяқталады.

Бұл туралы бүгін Астанадағы Тәуелсіздік сарайында «Инновациялық Қазақстан - 20 жыл тәуелсіз жолдан кейінгі болашаққа көзқарас» инновациялық форумы барысында Үкімет басшысының орынбасары-Индустрия және жаңа технологиялар министрі Әсет Исекешев мәлім етті.

«Инновациялық даму көзінің бірі - Инновациялық технологиялар паркі. Бүгінде Мемлекет басшысы паркті дамытудың жаңа моделін бекіткеннен кейін, оның бірінші кезегі 100 пайызға игерілді»,-деп тоқталған Үкімет басшысының орынбасары, «енді, екінші кезектің құрылысы мәселесі қарастырылуда. Оның техникалық экономикалық негіздемесін алдағы жылы аяқтауды жоспарлап отырмыз. Осыдан кейін біз парктің екінші кезегінің құрылысына кірісеміз»,-деді.