«Интелсат-15» американдық байланыс спутнигі орбитаға шығарылды

БАЙҚОҢЫР. Желтоқсанның 1-і. ҚазАқпарат /Сара Қабиқызы/ - Бүгін «Байқоңыр» ғарыш айлағында Астана уақытымен сағат 3-те «Зенит-2SБ» зымырантасығышы «Интелсат-15» американдық байланыс спутнигін орбитаға алып шықты,

деп хабарлайды Роскосмос агенттігінің баспасөз қызметі.

Баспасөз қызметінің ақпараты бойынша «Интелсат-15» американдық байланыс спутнигі ғарыштық аппаратының «ДМ-SLБ» блогынан штаттық бөлінуі Мәскеу уақытымен 6 сағат 28 минутте орын алды, ғарыштық аппарат автономды ұшуды бастады.