Ирак парламенті сүннит депутатты спикер етіп сайлады
АСТАНА. KAZINFORM – Ирак парламенті бейсенбі күні сүнниттік заң шығарушы Махмұд әл-Машхаданиді спикер етіп сайлап, саяси фракциялар арасында ұзаққа созылған келіспеушілік салдарынан бір жылдай бос болған бұл лауазымға қатысты мәселеге нүкте қойды, деп хабарлайды Kazinform меншікті тілшісі.
Тығырыққа тіреген мәселе 2023 жылдың қараша айында Ирак Федералдық Жоғарғы Сотының бұрынғы спикері, Ирактың ең беделді сүннит саясаткері Мұхаммед әл-Хальбусидің мансабын тоқту туралы шешімінен кейін орын алды.
Мұндай шешім әл-Хальбусиді жалған құжат жасады деп айыптаған парламент мүшелерінің бірінің сотқа берген арызын қарастырғаннан кейін қабылданды. Сот бұл айыптауларды негізделген деп тауып, бұл оның өкілеттіктерін тоқтатуға әкелді. Осыдан кейін Парламент спикері қызметі бір жыл бойы бос қалды.
Бірақ бейсенбіде 2006-2008 жылдары парламент спикері болған Махмұд Машхадани ықпалды шейіт партиялары мен ираншыл топтардың, сондай-ақ бұрынғы премьер-министр Нури әл-Малики басқарып отырған «Заң мемлекеті» коалициясының айтарлықтай қолдауымен бұл лауазымға қайта сайланды.
Сүнниттердің көпшілігін құрайтын «Такадум» (Ілгерілеу) партиясын басқаратын Мұхаммед әл-Хальбуси соңғы күндері сүнниттердің жетекшілерімен ұзақ келіссөздер жүргізді, деп хабарлайды Asharq al-Awsat. Хабарланғандай, бұл талқылаулар әл-Машхаданидің кандидатурасы бойынша консенсусқа әкелді.
Дауыс беру кезінде заң шығарушылар басқа кандидаттарды да қарастырды: Салим әл-Айсави, Талал әл-Зубаи және Амер Абдул Джаббар. Олардың ішінде әл-Машхадани дауыс берудің екінші кезеңінде шешуші жеңіске жетіп, бейсенбі күнгі сессияға қатысқан 269 заң шығарушының 182 дауысын алып, нәтижесінде ресми түрде парламент спикері атанды. Ирак парламентінде барлығы 329 орын бар.
Махмұд әл-Машхадани - Ирак саясаткері және дәрігер, 1948 жылы Бағдадта дүниеге келген. Медициналық білім алып, хирургияға маманданды және Ирак армиясында дәрігер ретінде қызмет етті.
Осыған дейін Израиль-Ливан шекарасына жақын жерде Таиландтың төрт азаматы мерт болғаны туралы жаздық.
