Иран Парсы шығанағындағы АҚШ мұнай танкеріне шабуыл жасалғанын мәлімдеді

АСТАНА. KAZINFORM – Мұнай кемесіне қатысты оқиға Парсы шығанағының солтүстігінде Иран, Израиль және Америка Құрама Штаттары арасындағы шиеленіс жалғасып жатқан кезде болды, деп хабарлайды Kazinform агенттігінің меншікті тілшісі.

Бейсенбі күні Иранның Ислам революциясы күзетшілер корпусы иран күштерінің Парсы шығанағының солтүстігінде суда америкалық танкерге шабуыл жасағанын хабарлады. Бұл мәлімдемені ирандық БАҚ таратты.

Хабарламада шабуылдан кейін кеме өртенгені айтылған.

– Ислам революциясы күзетшілер корпусы әскери-теңіз күштері Парсы шығанағының солтүстігінде америкалық мұнай танкеріне сәтті соққы берді, - делінген мәлімдемеде.

Сонымен қатар соғыс жағдайында Ормуз бұғазы арқылы өту Ислам Республикасының бақылауында болатынын атап өтті.

Иран әскерилері Америка Құрама Штаттарының, Израильдің, Еуропа елдерінің және олардың одақтастарының әскери, коммерциялық және басқа да кемелері Тегеран белгілеген ережелерді сақтамай, бұғаз арқылы еркін өте алмайтынын ескертті.

IRGC Hits American Oil Tanker in Persian Gulfhttps://t.co/W98bfzBlnZ pic.twitter.com/UsbiX1IITm

— Tasnim News Agency (@Tasnimnews_EN) March 5, 2026

Америкалық танкерге жасалған шабуыл туралы ақпарат тәуелсіз түрде расталмады. АҚШ билігі Иранның мәлімдемесіне қатысты түсініктеме берген жоқ.

Сонымен қатар Ұлыбританияның теңіз сауда операциялары орталығы (UKMTO) Кувейт жағалауында Парсы шығанағының солтүстігінде мұнай танкерінде қуатты жарылыс болғанын хабарлады. Агенттіктің мәліметінше, кеме зақымданған, суға түсе бастаған және аймақта мұнай төгілгені анықталған.

UKMTO WARNING INCIDENT 014-026 - Update 001

Click here to view the full warning ⤵️https://t.co/fyQb4Rnurp#MaritimeSecurity #MarSec pic.twitter.com/3IIpRfkxVs

— UKMTO Operations Centre (@UK_MTO) March 5, 2026

Айта кетейік, Ормуз бұғазындағы жүк тасымалы 90% төмендеді.