Иран президенті достас және көршілес елдерге үндеу жасады

АСТАНА. KAZINFORM — Иран қақтығысты дипломатиялық жолмен болдырмауға тырысты, бірақ Израиль мен АҚШ-тың әскери агрессиясы елге өзін қорғаудан басқа амал қалдырмады.

Иран президенті Масуд Пезешкиан бұл туралы достас және көршілес елдердің басшыларына жасаған үндеуінде мәлімдеді.

— Біз сіздердің егемендіктеріңізді құрметтейміз және аймақтың қауіпсіздігі мен тұрақтылығына оның елдерінің бірлескен күш-жігері арқылы қол жеткізу керек деп санаймыз, — деп жазды ол өзінің Facebook парақшасында.

28 ақпанда Израиль Иранға қарсы ауқымды шабуыл жасады. Трамп Иранға қарсы ауқымды әскери операцияның басталғанын жариялады. Жауап ретінде Тегеран Таяу Шығыстағы және Израиль аумағындағы америкалық базаларға шабуыл жасады.

Иранның жоғарғы көшбасшысы Әли Хаменеи қаза тапқаны белгілі болды — оның резиденциясына 30 бомба тасталған. Иран дереккөздерінің мәліметінше, соққылар салдарынан елде 200-ден астам адам қаза тауып, 700-ден астамы жараланған. Шабуылдар Иранның 14 провинциясын қамтыды.

Сонымен қатар, Дубай әуежайына да соққы жасалды. 

Кейінірек Ердоған Ираннан ұшырылған зымыранның жойылуына қатысты пікір білдіріп, Түркия «НАТО одақтастарымен тығыз ынтымақтастықта барлық қажетті шараны қабылдап жатқанын және қажет болған жағдайда дереу жауап беретінін» атап өтті.