Исекешев Астанада жедел жəрдем жеті минутта жетеді деп уəде етті
"Орталық медициналық жəрдем стансасы" нысанының құрылысы өте аз уақытта аяқталды. Мемлекет басшысы əлеуметтік мəселелерді үнемі бақылауда ұстайтынын білесіздер. Сондықтан да, осы орталықтың маңызы зор. Біз жедел əрекет ету қызметтерінің бəрін жаңартып жатырмыз. Біріншіден, жедел жəрдем көліктерінің барлығына GPS пн видеотіркеу орнату арқылы, жедел жəрдем көлігінің 1,2,3 санаттардағы шақыруға бару уақытын 10-12 минутқа қысқарттық. Қазіргі міндет - келесі жылы Астанада жедел жəрдемнің шақыруға бару уақытын жеті минутқа жеткізу",-деді əкім жаңа стансаны салтанатты түрде аша отырып.
Исекешев хабарлағандай, келесі жылы қаладағы жедел жəрдем стансаларына 30 жаңа техника тапсырылуы жоспарланып отыр.
"Қала тұрғындары үшін тағы бір жаңалық бар. 2017 жылдың қаңтарынан бастап, бірыңғай call-центр іске қосылады. Осылайша, 103 телефоны арқылы дəрігерге жазылып, мазалаған кез келген сұрақтың жауабын таба алады. Ауруханада кезекке тұрмайсыздар",-деді Ə.Исекешев.
Айта кетейік, жаңа Орталық жедел медициналық жəрдем стансасының құрылысы 2015 жылы басталған болатын. Жаңа орталықтық бір тəулікте 274 шақыру қабылдай алатын қуаттылыққа ие.
