Исламабад Қазақстан Президентінің сапарына дайындалып жатыр

АСТАНА. KAZNFORM - Исламабад Қазақстан Президентінің мемлекеттік сапарына дайындалып жатыр.

Бұл туралы БОРТ №1 Telegram арнасынан мәлім болды.

Айта кетейік, осыған дейін Президенттің 3-4 ақпан күндері Пәкістан Ислам Республикасына мемлекеттік сапармен баратыны туралы жазған едік.

Сапар аясында Мемлекет басшысы Қасым-Жомарт Тоқаев Премьер-министр Шахбаз Шарифпен және Президент Асиф Али Зардаримен келіссөздер жүргізіп, саяси, сауда-экономикалық және мәдени-гуманитарлық ынтымақтастықты нығайту перспективасын талқылайды.

Сонымен қатар Қазақстан-Пәкістан бизнес форумына қатысу жоспарланған.