Испания премьер-министрі су тасқынына байланысты 3,7 миллион еуро көлеміндегі көмек бөлетінін айтты

АСТАНА. KAZINFORM — Премьер-министр Педро Санчес осы дүйсенбіде Министрлер кеңесі жалпы көлемі 3,765 миллион еуро болатын көмекті DANA дауылынан туындаған апаттан кейінгі жағдайды қалпына келтіру үшін 110 қосымша шараны қамтитын корольдің жаңа жарлығы бекітілгенін хабарлады, деп жазады Kazinform агенттігінің меншікті тілшісі. 

«Испания үкіметі, бүкіл испан қоғамы сияқты, қажетіне қарай валенсиялықтармен бірге болады», — деп атап өтті атқарушы билік басшысы.

Премьер-министр дүйсенбіде Министрлер кеңесінің отырысынан кейін баспасөзге берген пікірінде DANA-дан зардап шеккендерге өткен жылы бекітілген алғашқы көмек пакетіне қосылатын жаңа шаралар мен көмек қосылатынын хабарлады.

Педро Санчес апатқа дереу ден қоюға және зардап шеккен аймақтарды қалпына келтіруге бағытталған шаралар шұғыл түрде бекітілгенін әрі олар жарияланғаннан кейін күшіне енетінін түсіндірді.

Жаңа пакетке енгізілген шаралардың бірі — өздері тұрмаса да, жалға берген үй иелеріне келтірілген зақым үшін көмек көрсету. 

Еске сала кетейік, бұған дейін Испанияда су тасқыны құрбандарының саны 223-ке жеткенін жазған болатынбыз.