Испанияда құспен соқтығысқан ұшақтың бір бөлігі зақымданды

АСТАНА. KAZINFORM – Испанияда Airbus ұшағы әуежайдан ұшып бара жатқанда құспен соқтығысу салдарынан қонуға мәжбүр болды, деп хабарлайды Daily Mail. 

Iberia IB579 рейсі ұшу кезінде құстарға соғылғаннан кейін Мадридке қонуға мәжбүр болды. 
Daily Mail жариялаған фотосуреттер ұшақтың тұмсық бөлігі айтарлықтай зақымданғанын көрсетеді.

Парижге ұшып бара жатқан Airbus A321-253NY ұшағының алдыңғы бөлігіндегі материал түсіп қалған.

FlightRadar24 деректері ұшақтың әуежайға қайтып оралмас бұрын Мадридтің шетінде қысқаша айналып өткенін көрсетті. Ол ұшқаннан кейін бір сағаттан астам уақыт өткен соң қонды.

Бұған дейін АҚШ-тың Денвер қаласындағы халықаралық әуежайда бортында 179 адамы бар жолаушылар ұшағы өртенгенін жазған болатынбыз.