Испанияның Валенсия қаласындағы өрттен 4 адам қаза тауып, 14 адам хабар-ошарсыз кетті
АСТАНА. KAZINFORM – Испанияның шығысындағы Валенсия қаласында 14 қабатты тұрғын үйді шарпыған өрттен төрт адам қаза тауып, 14 адам із-түзсіз жоғалып кетті. Бұл ақпаратты жұма күні ресми ақпарат көздері растады, деп жазады Синхуа агенттігі.
Өрт бейсенбі күні жергілікті уақыт бойынша сағат 17:30 шамасында (шамамен 450 адам тұратын 138-ші ғимаратта шыққан, деп хабарлайды жергілікті БАҚ.
Жұма күні таңертең өрт сөндірушілер мен полиция қызметкерлері із-түзсіз жоғалғандарды іздеу үшін ғимаратқа кірді.
Өрт салдарынан 15 адам зардап шекті, оның жетеуі өрт сөндіруші. Бесеуі ауруханаға жеткізілді.
Өрт ғимараттың ортаңғы бөлігінде басталған, бірақ кейін тез таралып, жарты сағаттың ішінде бүкіл үйді шарпыған.
Жергілікті ақпарат құралдарының хабарлауынша, өрттің таралуына бір жағынан шамамен 60 км/сағ жылдамдықпен соққан жел, екінші жағынан ғимараттың сыртындағы қаптамалар ықпал еткен.
Тұрғын үйге қалыңдығы 10 см болатын жанғыш полиуретанды жабын төселген, бұл — өрттің апатты жылдамдықпен таралуына мүмкіндік берді.
