Италиядағы мектеп оқушыларының ЖИ көмекшілері болады
АСТАНА. KAZINFORM – Италияның 15 мектебінде оқу үлгерімі мен білім сапасын арттыру мақсатында білім процесіне жасанды интеллект технологияларын енгізу бойынша пилоттық жоба басталып жатыр, деп хабарлайды Еuronews.
Италияның мектеп оқушыларында ЖИ-ның негізіндегі виртуалды көмекшілері пайда болады. Елдің төрт аймағындағы 15 мектепте жасанды интеллект технологияларын оқу үдерісінде қолдану бойынша пилоттық жоба іске қосылды.
Басты мақсат – оқыту сапасын және академиялық үлгерімді жақсарту, Италияның басқа ЕО елдерімен салыстырғанда цифрлық теңсіздігін азайту.
Эксперимент сәтті өтсе, ЖИ технологиялары бүкіл ел бойынша мектептегі білім беру жүйесіне енгізіледі.
Планшеттер мен компьютерлердегі ЖИ көмекшілері балаларға сабақ кезінде, үй тапсырмасын орындауда көмектеседі.
Бастамашылар оқытуды әр баланың ерекшеліктерін ескере отырып жекелей етуге ниеттеніп отыр.
Бағдарлама алдағы екі жылда сынақтан өткізіледі, кейіннен ол ұзартылып, кеңейтілуі мүмкін.
