Израиль Газа секторына әуе шабуылдарын қайта бастады
АСТАНА. KAZINFORM – Израиль армиясы 2025 жылдың 10 қазанында келісілген атысты тоқтату келісімін бұзып, Газа секторының әртүрлі бөліктеріне бірқатар әуе және артиллериялық соққы берді, деп хабарлайды Kazinform Anadolu агенттігіне сілтеме жасап.
Anadolu агенттігінің хабарлауынша, Израиль әскери ұшақтары эксклавтың Мысырмен шектесетін ең оңтүстік елді мекені Рафахтың шығыс аудандарын атқылаған. Әскери көліктер Хан Юнустың шығыс аудандарына оқ жаудырды, ал Израиль әскери-теңіз күштері қаланың жағалау белдеуін атқылады.
Эксклавтың әкімшілік орталығы Газа қаласында бірнеше аймақ әуеден де, артиллериядан да атқылауға ұшырады.
Атысты тоқтату келісімі күшіне енгеннен бері Израильдің атқылауынан 612 палестиналық қаза тауып, тағы 1 640 адам жараланғаны атап өтілді.
Израильдің эксклавқа жаппай шабуылдары 2023 жылдың 8 қазанында басталды. Содан бері 72 000-нан астам палестиналық қаза тауып, 171 000-нан астамы жараланды. Азаматтық инфрақұрылымның 90 пайызы қираған.
Бұған дейін Израильдің әуе соққысынан Ливанның шығысында кемінде 10 адам қаза тапты.
