Израиль Газаға гуманитарлық көмек көрсетуді тоқтатты
АСТАНА. KAZINFORM — ХАМАС лаңкестік тобы атысты тоқтату келісімін ұзартудан бас тартқаннан кейін Израиль армиясы Газа секторына жүктерді өткізуді тоқтатты, деп хабарлайды DW басылымы.
Бұл хабарлама Израиль премьер-министрі кеңсесінің X әлеуметтік желісіндегі ресми аккаунтында жарияланды.
Сонымен бірге, Франс Пресс агенттігі сектордағы атқылаудың ішінара қайта басталғанын мәлімдеді.
- Кепілге алу келісімінің бірінші кезеңі аяқталғаннан кейін және ХАМАС-тың Израильмен келіссөздерді жалғастыру үшін Виткофф негіздемелік келісімін қабылдаудан бас тартуына байланысты премьер-министр Нетаньяху шешім қабылдады: бүгін таңертеңнен бастап Газа секторына кіретін барлық тауарлар мен материалдар тоқтатылуы керек. Израиль кепілге алынғандарды босатпайынша атысты тоқтатуға жол бермейді. Егер ХАМАС одан бас тартуда табандылық танытса, одан әрі зардаптары болады, - делінген мәлімдемеде.
АҚШ президентінің Таяу Шығыстағы өкілі Стив Виткофф Израиль мен ХАМАС лаңкестеріне 29 наурызда аяқталатын мұсылмандардың қасиетті Рамазан айы мен еврейлердің Құтқарылу мейрамы 12-20 сәуір аралығында атысты тоқтату туралы келісімге келуді ұсынды. Израиль бұл ұсынысқа келісті.
ХАМАС бұған дейін бітімгершілікті ұзарту идеясын бірнеше рет қабылдамады. Сонымен бірге содырлар жүкке қатысты Израильдің шешімін сынға алды.
«Гуманитарлық көмекті тоқтату туралы шешім арзан бопсалау, әскери қылмыс және атысты тоқтату туралы келісімге ашық шабуыл болып табылады», - деп келтіреді Франс Пресс агенттігі.
Оның айтуынша, лаңкестер атысты тоқтату келісімінің ұзартылуына қарсы, өйткені бұл қаңтардағы атысты тоқтату келісімінің бірінші кезеңі аясында жүзеге асатын еді. ХАМАС екінші кезеңге жылдам өтуді, яғни израильдік кепілге алынғандарды содырларға айырбастауды және Газадан ИСД күштерін шығаруды қалайды.
Бұған дейін ХАМАС Израильді екінші кезең бойынша келіссөздерді бастауды кейінге қалдырды деп айыптағаны хабарланған болатын.
Израиль кейінірек Газадағы атысты тоқтатуды ұзарту жоспарына келісті.
