Израиль Сирияның екі әскери базасына соққы жасады

АСТАНА. KAZINFORM – Израиль қорғаныс армиясы (ЦАХАЛ) Сирияның орталық бөлігінде орналасқан Хомс өлкесіндегі Пальмира әскери әуе базасы мен Эт-Тияс/Т4/ аэродормының «әскери-стратегиялық нысандарына» жұма күні кешкісін әуеден соққы жасалғанын мәлімдеді, деп хабарлайды Синьхуа.  

Израильдің Kan TV мемлекеттік телеарнасы елдің әскери-әуе күштерінің барлау қызметі өткен жылдың желтоқсан айының басында күйреген Башар Асад режимі бақылауында ұстаған базалардан қару-жарақ пен стратегиялық мүмкіндіктер ізін байқаған. Телеарна мәліметінше, израильдік жойғыш ұшақтар Израильдің әскери-әуе күштерінің әуедегі басымдығын сақтап қалуға бағытталған кең ауқымды соққы барысында аталған нысандарды жойған.

Қорғаныс армиясының мәлімдесіне сәйкес, ЦАХАЛ Израиль азаматына төнген кез келген қатерді жою үшін шаралар қабылдауын жалғастыра береді.

Израильдің «Гаарец» газеті араб бұқаралық ақпарат құралдарына сілтеме жасай отырып, әуеден соққы жасау барысында Сирия Қорғаныс министрлігінің 2 қызметкері жарақат алғанын хабарлады.

Бұған дейін Германия сириялықтарға көмек ретінде 300 миллион еуро бөлуді уәде еткенін жазған едік.