«Изумрудный квартал» тұрғын үй кешенінен құлап қаза тапқан әйелдің кім екені анықталды
АСТАНА. ҚазАқпарат - «Изумрудный квартал» ТК-нен құлап қаза тапқан әйелдің кім екені анықталды, деп хабарлайды Астана қалалық ІІД баспасөз қызметі.
«Полицейлер «Изумрудный квартал» ТК-нен құлап қаза тапқан әйелдің есімін анықтады. Ол Ақмола облысының 57 жастағы тұрғыны болып шықты. Аталған факті сот алдындағы тергеудің бірыңғай тізіліміне енгізілген. Қажетті сараптамалар тағайындалуда. Болған оқиғаның мән-жайы анықталу үстінде», - делінген хабарламада.
Еске сала кетейік, бүгін Астанадағы «Изумрудный квартал» ғимаратынан әйел адам құлап, қаза тапты.
