К.Мәсімов ҚР БҒМ ұжымына жаңа министрді таныстырды
АСТАНА. ҚазАқпарат - Бүгін ҚР Премьер-Министрі Кәрім Мәсімов ҚР Білім және ғылым министрлігінің ұжымына жаңа ведомство басшысы Ерлан Сағадиевті таныстырды, деп хабарлайды primeminister.kz.
Кәрім Мәсімов Ерлан Сағадиевті Білім және ғылым министрі қызметіне тағайындау туралы ҚР Президентінің Жарлығын оқып, министрліктің бұрынғы басшысы Аслан Сәрінжіповке атқарған жұмысы үшін алғыс білдірді.
К.Мәсімов Е.Сағадиевтің әртүрлі салалардағы кәсіби тәжірибесін атап өтіп, министрлік Елбасы тапсырмаларын тиімді орындауды жалғастыратынына сенім білдірді.
Өз кезегінде Е.Сағадиев көрсеткен сенімі үшін ҚР Президентіне алғыс білдіріп, Мемлекет басшысының министрлік алдына қойған тапсырмаларын табысты жүзеге асыруға бар күшін салатынын айтты.
