Қалалық демалыс саябағында «Есірткісіз болашақ» атты бай­қау өтті - Қызылорда

ҚЫЗЫЛОРДА. Шілденің 13-і. ҚазАқпарат /Руслан Игілік/ - Қызылорда қалалық демалыс саябағында «Есірткісіз болашақ» атты денсаулық бай­қауы өтті.
None
None

Облыстық ішкі саясат басқар­масының тапсырысы бойынша об­лыстық жастар орталығы қауым­дастығы ұйымдастырған шараның мақсаты - жастар арасында са­лауатты өмір салтын қалыптастыру, спорт және шығармашылық жағы­нан талантты жастарды кеңінен насихаттау. Сондай-ақ оларды патриоттыққа, отан­сүй­гіштікке шақыра отырып, келер ұрпақ пен ертеңгі күнге із қалдыру.

Бүгінгі таңда нашақорлық - қо­ғамның ең өзекті мәселесінің бірі екені белгілі. Есірткі бизнесіне қарсы еліміздің көптеген әлеуетті органдары белсенді күрес жүр­гізуіне қарамастан Қазақ­станда есірткіге тәуелділердің қатары, әсі­ресе, жастар арасында күн өткен сайын артып отырғаны жасырын емес.

Акция барысында «Бірлігіміз жарас­қан!» науқанының имидждік өнімдерін киген жастар ұйым­дарының мүшелері қатысушыларға ақпараттық үнпарақтар таратылды. Сонымен қатар спорттық би, көңіл­ділер мен тапқыштар клубының қойы­лымдары, көрермендер арасында интеллектуалды сайыс, қол күрес, кір тасын көтеру жарыстары ұйым­дас­тырылды.

Байқау жеңімпаздары бағалы сыйлықтармен марапат­талып, алғыс хаттар табыс етілді.

Соңғы жаңалықтар