Калифорнияда полицейлер мектепте баррикада жасаған ер адамды атты
АСТАНА. ҚазАқпарат - Американың Калифорния штатында полиция қызметкерлері бастауыш мектеп кабинетінде мұғаліммен бірге бекініс жасаған ер адамға оқ жаудырды, деп хабарлайды ABC News телеарнасы.
Бұған дейін Риверсайд округінде оқушылардың бірінің ата-анасы мұғаліммен бірге кабинет есігін жауып алғаннан кейін, оқушылардың мектептен эвакуацияланғаны хабарланған болатын. Оқушылар ата-аналарына табысталды.
Телеарна мәліметінше, полиция қызметкерлері ер адамды атып, жаралаған. Содан кейін ауруханаға жеткізген.
