Қалтасында қара бақыр да жоқ британдық банкке 1,2 млн фунт стерлинг қарыз боп қалды

АСТАНА. ҚазАқпарат  - Эссекс графтығының тұрғыны өз банкінен 1119999 фунт артық ақша жұмсалғаны туралы және мұны қайта өтеуді талап еткен хат алды.

21 жастағы ер адамның айтуынша, артық ақша жұмсау туралы хабар оны қайран қалдырды. Ер адам жұмыссыз, есепшотында 90 пенс қана бар, оның үстіне несиелендіру мүмкіндігінен айырылған. Ол банкке хабарласқанда, мекеме ақшаның алынғандығын растаған. Қауіпсіздік қызметі алаяқтық фактісі бойынша тексеру жұмыстарын бастап кетті. Қазір зардап шегушінің барлық есепшоттары бұғаттаулы және ол өз атасынан қарызға ақша алуға мәжбүр, деп жазды Daily Mail.