Камбоджа мен Таиланд БҰҰ ҚК шекара қақтығысы жөніндегі отырысына қатысты

АСТАНА. KAZINFORM - Камбоджа мен Таиланд өкілдері БҰҰ Қауіпсіздік Кеңесінің отырысында жалғасып жатқан шекаралық қақтығыс туралы айтты, деп хабарлайды Синьхуа.

Камбоджа атысты тоқтатуға шақырды, ал Таиланд екінші тараптан «дұшпандық әрекетті тоқтатып, диалогты жалғастыруды» талап етті. БҰҰ жанындағы Камбоджаның тұрақты өкілі Кео Чхеа екі ел арасындағы шекара қақтығысын дереу тоқтатуға шақырды.

— Камбоджа атысты дереу тоқтатуды талап етті, сөзсіз, сонымен қатар біз де бейбіт жолмен /шекараға байланысты/ дауды шешуге шақырамыз, - деді Камбоджа дипломаты БҰҰ Қауіпсіздік кеңесінің жабық отырысынан кейін журналистерге.

БҰҰ Қауіпсіздік Кеңесі жұма күні түстен кейін Камбоджа премьер-министрі Хун Манеттің өтініші бойынша шұғыл отырыс өткізді.

Таиландтың Сыртқы істер министрлігі хабарлағандай, БҰҰ жанындағы елдің елшісі және тұрақты өкілі Чердчай Чайваивид жұма күні БҰҰ Қауіпсіздік Кеңесінде Таиланд БҰҰ Жарғысына сәйкес дауларды бейбіт жолмен шешуге берік бола отырып, халықаралық дауларды шешу құралы ретінде күш қолданудан үзілді-кесілді бас тартатынын айтты.

Оның айтуынша, Таиланд соңғы екі айда әртүрлі екіжақты тетіктер арқылы Камбоджамен белсенді түрде байланыста болған. Бірақ Камбоджа әдейі мағыналы диалогтан аулақ болды және оның орнына бұл мәселені өзінің саяси мақсаттары үшін интернационалдандыруға тырысты.

— Таиланд Камбоджаны барлық дұшпандық әрекеттері мен агрессиялық әрекеттерін дереу тоқтатуға және адал ниетпен диалогты қайта бастауға шақырады, - деді Таиланд дипломаты.

Айта кетейік, Таиланд пен Камбоджа қақтығысы теңіз курортына жақындады, қаза тапқандар саны көбейді.