Камерун жағалауында бортында элиталық сарбаздар бар әскери кеме аударылды

АСТАНА. ҚазАқпарат - Камерундық әскери кеме елдің оңтүстік батыс жағалауында аударылып қалды. Оқиға болған сәтте кеме бортында элиталы бригаданың ондаған сарбаздары болған. 

Бұл жайлы қауіпсіздік күштері дереккөздеріне сілтеме жасаған  AFP  агенттігі хабарлайды. Оқиға Лимбе қаласы мен Бакасси түбегінің арасында болды. Кеме түбекте орналасқан  әскери базадағы құрылыс жұмыстарына қажетті құрылғыларды әкеле жатқан.