Канадада өртке байланысты мұнайшыларды құтқару жұмыстары жүргізілді

АСТАНА. ҚазАқпарат - Канаданың батысындағы Альберт провинциясында орманда өрт шыққандықтан, екі мұнай зауытының қызметкерлері қауіпсіз жерге шығарылды, деп хабарлады ТАСС.

«Cenovus Energy» және «Canadian Natural Resources Limited» компаниясы басшылары жергілікті биліктің ескертуін бірден қабыл алып, шұғыл қауіпсіздік шараларына кіріскен.

«Біздегі өндіріс орнынан 1,8 мың адам тікұшақпен эвакуацияланды. Қазіргі уақытта өрттің зауытқа қаупі жоқ», - деді Cenovus Energy компаниясының өкілі Рона Делфари. Ал Canadian Natural Resources Limited комапаниясы қанша қызметкерін алып шыққаны туралы хабар таратқан жоқ. Провинцияның өртке қарсы қызметінің хабарлауынша, қазіргі уақытта 4 мың га орман өртенген.