Канадада ұшақ апатқа ұшырады

АСТАНА. KAZINFORM – Rio Tinto компаниясының жұмысшылары мінген шағын ұшақ сейсенбі күні Канаданың солтүстік-батыс аумағында апатқа ұшырады. Оқиға салдарынан қаза тапқандар бар, деп жазады Reuters.

Қаза болғандар саны әзірге нақтыланбады.

Rio Tinto Group – аустралиялық-британдық концерн, әлемдегі үшінші ірі трансұлттық тау-кен металлургиялық компаниясы. Оның негізгі қызмет аймақтары Аустралия, Канада, АҚШ, Бразилия, Моңғолия, Гвинея, Мадагаскар және Оңтүстік Африка.