Қаңтар айында негізгі капиталға 87,3 миллиард теңге инвестиция салынды - Атырау облысы

АТЫРАУ. Наурыздың 2-сі. ҚазАқпарат /Андрей Соколов/ - 2010 жылдың қаңтар айында Атырау облысының негізгі капиталына салынған инвестиция 87,3 миллиард теңгені құрады, бұл 2009 жылдың қаңтар айындағы көрсеткіштен 34,4 пайызға көп,

деп хабарлады облыстық статистика басқармасынан.

Инвестициялардың негізгі бөлігін - 85,4 пайызын - шетелдік субъектілер игеруде. Инвестициялар салынып отырған басымдықты салалар - мұнай мен газ өндірісі болып табылады, бұл саланың үлесі - 92,2 пайызды құрайды. Ал 3,9 пайызы - жылжымайтын мүлік операциялары, тағы 3,9 пайызын - тасымалдау операциялары құрайды.